ជនជាតិថៃចំនួន ២ នាក់ ត្រូវបានគេឃាត់ខ្លួននៅប្រទេសឥណ្ឌូនេស៊ី និង អាចទទួលទោសប្រហារជីវិត ក្រោយចាប់បានថាលួចលាក់ជួញដូរគ្រឿងញៀននៅលើកោះបាលី

សារព័ត៌មាន South China Morning Post បានរាយការណ៍ឱ្យដឹងថា មានជនជាតិថៃចំនួន ២ នាក់ ត្រូវបានគេឃាត់ខ្លួននៅប្រទេសឥណ្ឌូនេស៊ី និង អាចទទួលទោសប្រហារជីវិត ក្រោយចាប់បានថាលួចលាក់ជួញដូរគ្រឿងញៀននៅលើកោះបាលី។

តាមព័ត៌មានបានឱ្យដឹងថា ខាងអាជ្ញាធរប្រទេសឥណ្ឌូនេស៊ី បានចាប់ខ្លួនជនជាតិថៃចំនួន ២ នាក់ នៅ​អាកាសយានដ្ឋាន​អន្តរជាតិ Ngurah Rai ​នាកោះបាលី កាលពីថ្ងៃទី ៣ ខែកញ្ញា ឆ្នាំ ២០២៤ កន្លងទៅ ដោយចោទប្រកាន់ទៅលើការជួញដូរគ្រឿងញៀនប្រភេទមេតំហ្វេតាមីន និង MDMA ។​

ព័ត៌មានបាន​បញ្ជាក់​ថា​ ជនជាតិថៃទាំង ២​ នាក់នេះ​ បានយកគ្រឿងញៀនទៅលក់ឱ្យជនជាតិឥណ្ឌូនេស៊ី ២ នាក់ទៀតនៅលើកោះបាលី ដែលចុងក្រោយក៏ត្រូវអាជ្ញាធរក្របួចបានទាំង ៤ នាក់ ហើយនឹងអាចប្រឈមចំពោះការកាត់ទោសប្រហារជីវិតទៀត ក្រោយពីស៊ើបអង្កេតការពិតរួចរាល់៕

ប្រភព៖ South China Morning Post