សាលារៀនចំនួន៤៨៨ ក្នុងខេត្តឧត្តរមានជ័យ បន្ទាយមានជ័យ ព្រះវិហារ កោះកុង និងពោធិ៍សាត់ ត្រូវបានផ្អាក
ភ្នំពេញ៖ សាលារៀនចំនួន៤៨៨ ក្នុងខេត្តឧត្តរមានជ័យ បន្ទាយមានជ័យ ព្រះវិហារ កោះកុង និងពោធិ៍សាត់ ត្រូវបានផ្អាកដំណើរការសិក្សា។ នេះបើតាមការប្រកាសរបស់ក្រសួងអប់រំនៅថ្ងៃទី២៦ ខែកក្កដា ឆ្នាំ២០២៥។
អ្នកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានប្រាប់សារព័ត៌មានឌីជីថលថ្មីៗថា វិធានការនេះ គឺដើម្បីរក្សាសុវត្ថិភាពសិស្ស និងបុគ្គលិកអប់រំផងដែរ។ ជាមួយគ្នានេះ នៅព្រឹកថ្ងៃទី២៦ ខែកក្កដា លោក ហង់ជួន ណារ៉ុន រដ្ឋមន្រ្តីក្រសួងអប់រំ សាលារៀនចំនួន៤កន្លែងត្រូវបានបិទទ្វារ ក្រោយទាហានថៃផ្លោងគ្រាប់កាំភ្លើងធំចូលចំណុចកូនដំរី និងច១ ស្រុកវាលវែងខេត្តពោធិ៍សាត់។
គួរជម្រាបដែរថា គិតត្រឹមថ្ងៃទី២៦ ខែកក្កដា ពលរដ្ឋចំនួន ៣៥ ៨២៩នាក់ នៅខេត្តឧត្តរមានជ័យ ព្រះវិហារ បន្ទាយមានជ័យ និងពោធិ៍សាត់ ត្រូវបានភៀសខ្លួនទៅទីតាំងសុវត្ថិភាព។ ក្នុងនោះខេត្តឧត្តរមានជ័យ មានពលរដ្ឋ ៦៥៧៧គ្រួសារ ស្មើ២៣ ៣២៨នាក់, ព្រះវិហារ មាន៣ ១១២គ្រួសារ ស្មើនឹង ១០ ៤២០នាក់, បន្ទាយមានជ័យ មាន៥២៤គ្រួសារ ស្មើនឹង ១ ៨៨០នាក់ និងខេត្តពោធិ៍សាត់ ៩៤គ្រួសារ ស្មើនឹង ២០១នាក់៕