លោក ឃួង ស្រេង ណែនាំមន្ដ្រីត្រូវបម្រើពលរដ្ឋ ពេលមានទុក្ខត្រូវមានមុខ និងដោះស្រាយបញ្ហាឲ្យទាន់ពេល

មូលដ្ឋានរបស់ខ្លួន ដើម្បីយកបញ្ហាទាំងនោះ មកដោះស្រាយ ឲ្យក្លាយជាប្រយោជន៍ប្រជាពលរដ្ឋ ឈានទៅយកជ័យជំនះ ក្នុងការបោះឆ្នោតនៅឆ្នាំ២០២៧-២០២៨ខាងមុខនេះ។

លោក ឃួង ស្រេង បានលើកឡើងថា មន្ត្រីសង្កាត់ ដែលកើតចេញពីមន្ត្រីរបស់គណបក្សប្រជាជនកម្ពុជា ត្រូវរៀបចំសណ្តាប់ធ្នាប់ នៅក្នុងមូលដ្ឋានឲ្យបានល្អ តាមរយៈការផ្សព្វផ្សាយអប់រំ ណែនាំពួកគាត់ឲ្យបានច្រើន ហើយសកម្មភាព នៃការរៀបចំសណ្តាប់ធ្នាប់នេះ ត្រូវតែមានការគាំទ្រពីសំណាក់ប្រជាពលរដ្ឋ។ ប្រជាពលរដ្ឋ នៅពេលបច្ចុប្បន្ននេះ មានភាពស៊ីវីល័យហើយទីក្រុងមួយស្អាត ដាច់ខាតត្រូវមានការចូលរួមពីប្រជាពលរដ្ឋ។

លោកបានណែនាំមេភូមិ និងចៅសង្កាត់ ចុះអប់រំណែនាំប្រជាពលរដ្ឋជាប្រចាំ កុំឲ្យពួកគាត់បោះសំរាមចោលទៅក្នុងប្រឡាយទឹក។ បន្ថែមពីនេះ ត្រូវធ្វើអ្វីៗដើម្បីបម្រើប្រជាពលរដ្ឋ ដោយកុំគិតថា រឿងនេះ រឿងនោះតូចតាចឲ្យសោះ រឿងតូច តាចនេះហើយ ជាការសន្សំពន្ទុរបស់យើង ក្នុងនាមជាអ្នកបម្រើប្រជាពលរដ្ឋដោយផ្ទាល់។

លោក ឃួង ស្រេង បានបញ្ជាក់ថា អ្នកដែលអភិវឌ្ឍន៍ប្រទេសជាតិ រក្សាសន្តិភាព និងការពារបូរណៈភាពទឹកដី គឺសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្ត្រី។

លោក ឃួង ស្រេង ថ្លែងនូវការអរគុណ ចំពោះមន្ត្រីគណបក្សប្រជាជនកម្ពុជាទាំងអស់ ដែលបានលះបង់កំលាំងកាយ កម្លាំងចិត្ត រហូតធ្វើឲ្យគណបក្សប្រជាជនកម្ពុជាឈ្នះក្នុងការបោះឆ្នោតរហូតមក ហើយចំពោះអ្វីដែលជាការស្នើសុំរបស់ប្រធានភូមិទាំង៨ ពាក់ព័ន្ធជួយការកសាងហេដ្ឋារចនាសម្ព័ន្ធនៅក្នុងមូលដ្ឋាន ដោយលោកបានឯកភាព និងទទួលយកទាំងអស់ដោយអនុវត្តជាជំហានៗ៕