ប្រជាពលរដ្ឋជាង ៥០នាក់ នៅក្នុងភូមិជាច្រើនក្នុងស្រុក Ko Kha ខេត្ត Lampang ប្រទេសថៃ ត្រូវបញ្ជូនទៅសង្រ្គោះបន្ទាន់ភ្លាមៗ ដោយសារ បាយខជើងជ្រូក
យោងតាមរបាយការពី thethaiger កាលពីយប់ថ្ងៃទី ៥ ខែតុលា ប្រជាពលរដ្ឋជាង ៥០នាក់ នៅក្នុងភូមិជាច្រើនក្នុងស្រុក Ko Kha ខេត្ត Lampang ប្រទេសថៃ បានជួបប្រទះនូវការឈឺចាប់ពោះធ្ងន់ធ្ងរ ក្អួត និងរាគរូស អ្នកខ្លះអស់កម្លាំង រហូតត្រូវបញ្ជូនទៅកាន់មន្ទីរពេទ្យភ្លាមៗ។ ឧបទ្ទវហេតុនេះកើតចេញពីបរិភោគបាយខជើងជ្រូក និងពងស្ងោរ ដែលចែកជូនក្នុងពិធីបុណ្យសពមួយ។
អ្នកភូមិម្នាក់ដែលជាជនរងគ្រោះក្នុងហេតុការណ៍នេះ ក្រោយធូរស្បើយនិងចាកចេញពីបន្ទប់សង្គ្រោះបន្ទាន់មុនគេ បានប្រាប់អ្នកសារព័ត៌មានថា រូបគាត់បានទទួលទានបាយខជើងជ្រូកមួយប្រអប់។ ប្រជាពលរដ្ឋមកពីភូមិជាច្រើន ខ្លះបានទទួលបាយដែរ តែមិនព្រមហូប ទើបពួកគាត់បានចែកជូនកូនៗ និងចៅៗ ដែលយកទៅកន្លែងធ្វើការឬហាង និងកន្លែងផ្សេងទៀត ពួកគេទាំងនោះក៏មានអាការ ឈឺពោះ និងក្អួត ដែរ។
អ្នកភូមិបានរាយការណ៍ទៀតថា អាហារដែលគេសួរនោះ គឺបាយជើងជ្រូក ពងមាន់ស្ងោរ ដែលម្ចាស់ផ្ទះទិញពីភោជនីយដ្ឋានមួយ ដើម្បីចែកជូនភ្ញៀវមកចូលរួមបុណ្យសព។ ប៉ុន្មានម៉ោងបន្ទាប់ពីញ៉ាំវា មនុស្សជាច្រើនចាប់ផ្តើមមានរោគសញ្ញាមិនធម្មតា រួមទាំងឈឺក្រពះ វិលមុខ និងចង្អោរភ្លាមៗ។ ទាក់ទងនឹងអាហារថ្ងៃត្រង់ដែលត្រូវបានគេចែកជូនក្នុងព្រឹត្តិការណ៍នោះ គេសង្ស័យថា មានអ្វីខូចខាតដែលបណ្ដាលឲ្យពុលអាហារទាំងភូមិបែបនេះ៕
