ក្រសួងបរិស្ថានព្រមានចាត់វិធានការច្បាប់ធ្ងន់ធ្ងរលើបទល្មើសព្រៃឈើ ក្រោយការចាប់ខ្លួនមនុស្ស ៤ នាក់

ក្រសួងបរិស្ថាន បានចេញសេចក្ដីរម្លឹកជូនដំណឹងដល់សាធារណជនជាថ្មីថា ការលក់ ទិញ កាប់ ឬដឹកជញ្ជូនឈើចេញពីតំបន់ការពារ ត្រូវបានហាមឃាត់យ៉ាងតឹងរ៉ឹង និងអាចទទួលទោសតាមច្បាប់។

ការហាមឃាត់នេះ មិនត្រឹមតែអនុវត្តចំពោះតំបន់ការពារដែលបានកំណត់ជាផ្លូវការប៉ុណ្ណោះទេ ប៉ុន្តែថែមទាំងគ្របដណ្ដប់លើតំបន់សហគមន៍ដែលស្ថិតនៅក្នុងតំបន់ការពារ តំបន់អភិរក្សសត្វព្រៃ និងឧទ្យានជាតិផងដែរ។

សេចក្ដីរំលឹកនេះ បានចេញផ្សាយបន្ទាប់ពីមានសកម្មភាពអនុវត្តច្បាប់ថ្មីៗ ដែលនាំឱ្យមានការចាប់ខ្លួន និងឃុំខ្លួនបុគ្គលចំនួន ៤ នាក់ ពាក់ព័ន្ធនឹងសកម្មភាពឈើខុសច្បាប់ បង្ហាញពីជំហរដ៏រឹងមាំរបស់រដ្ឋាភិបាលក្នុងការការពារធនធានព្រៃឈើ។

ក្រសួងបានបញ្ជាក់ថា សកម្មភាពណាមួយដែលអនុវត្តដោយគ្មានការអនុញ្ញាតត្រឹមត្រូវ ត្រូវបានចាត់ទុកថាជាការរំលោភលើបទប្បញ្ញត្តិបរិស្ថាន ហើយអាចនាំឱ្យមានទណ្ឌកម្មធ្ងន់ធ្ងរ រួមមានការដាក់ពន្ធនាគារ។

អាជ្ញាធរបានអំពាវនាវឱ្យប្រជាពលរដ្ឋគោរពច្បាប់ និងរាយការណ៍អំពីសកម្មភាពខុសច្បាប់ណាមួយ។ ជាមួយគ្នានេះ ក្រសួងក៏បានបញ្ជាក់ឡើងវិញពីការប្តេជ្ញារបស់រដ្ឋាភិបាលក្នុងការការពារព្រៃឈើ និងថែរក្សាប្រព័ន្ធអេកូឡូស៊ីដ៏សម្បូរបែបរបស់កម្ពុជា សម្រាប់ជំនាន់ក្រោយ៕