លោក ត្រាំ ប្រកាសចង់ជួប គីម ជុងអ៊ុន

វ៉ាស៊ីងតោន ៖ ប្រធានាធិបតីអាមេរិក លោក ដូណាល់ ត្រាំ ប្រកាសចង់ជួបលោក គីម ជុងអ៊ុន មេដឹកនាំកូរ៉េខាងជើង នៅក្នុងឆ្នាំនេះ។

លោក ត្រាំ បានអះអាងដូច្នេះ ក្នុងពេលទទួលជួបប្រធានាធិបតី កូរ៉េខាងត្បូង ទើបឡើងកាន់តំណែងថ្មី នៅឯសេតវិមាន កាលពីថ្ងៃទី២៥ ខែសីហា ដោយលោកបានគូសបញ្ជាក់ថា «ខ្ញុំទន្ទឹងរង់ចាំជួបជាមួយលោក គីម ជុងអ៊ុន នាពេលអនាគត ដ៏សមស្រប»។

គួររម្លឹកថា ជំនួបកំពូល ដែលផ្តោតលើកម្មវិធីនុយក្លេអ៊ែររបស់កូរ៉េខាងជើង បែបនេះ ធ្លាប់កើតមានឡើង លើសពី១ដង អំឡុងការកាន់តំណែងប្រធានាធិបតី អាណត្តិដំបូង របស់លោក ត្រាំ ចន្លោះពីឆ្នាំ២០១៧ ដល់ ឆ្នាំ២០២១ តែ គ្មានកិច្ចព្រមព្រៀងអ្វី គួរឲ្យកត់សម្គាល់នោះទេ។

ការណ៍នេះ មានន័យថា កូរ៉េខាងជើងនៅតែគឃ្លើនអភិវឌ្ឍអាវុធប្រល័យលោក និងបាញ់សាកល្បង ដដែល រហូតមកដល់ពេលបច្ចុប្បន្ន៕