មេធាវីថៃ ជំរុញឲ្យស៊ើបអង្កេតលើមូលនិធិ Jom Phalang អាចជាប់ពាក់ព័ន្ធលាងលុយកខ្វក់
មេធាវីដ៏ល្បីល្បាញលោក Decha Kittiwittayanan នាថ្ងៃទី២៣ តុលា បានអំពាវនាវឲ្យស្ថាប័នពាក់ព័ន្ធទាំងអស់ស៊ើបអង្កេតលើមូលនិធិរបស់បុគ្គល Kan Jom Phalang ដែលគ្រោងនឹងផ្លាស់ប្តូរទៅជាមូលនិធិមួយផ្សេងទៀត។ លោកទទូចថា រឿងមួយនេះស្រដៀងទៅនឹងអ្នកនយោបាយថៃជាច្រើន ដែលតែងតែប្រើអ្នកណាម្នាក់សម្រាប់លាងលុយកខ្វក់ ឬការគេចពន្ធឲ្យពួកគេ។
យោងតាម thethaiger លោក Decha បានផ្តល់បទសម្ភាសន៍ទាក់ទងនឹងមូលនិធិ Kan Jom Phalang ដោយបញ្ជាក់ថា បច្ចុប្បន្នមនុស្សជាច្រើនបានចោតជាសំណួរ អំពីតម្លាភាពនៃការបង្កើតមូលនិធិ រួមទាំងលំហូរហិរញ្ញវត្ថុ និងលំហូរចេញរបស់វា។ លោកបានបញ្ជាក់ថា ការស៊ើបអង្កេតពេលនេះកំពុងដំណើរការ ហើយលោកក៏ជឿជាក់ថា វាគួរតែបញ្ចប់ឆាប់ៗនេះ។
ដោយឡែក ទាក់ទងនឹងនីតិវិធីនៃប្រតិបត្តិការមូលនិធិរបស់បុគ្គលរូបនេះ មេធាវី Decha បានបញ្ចាក់ថា តាមពិតទៅ មូលនិធីភាគច្រើនត្រូវតែដំណើរការដោយគណៈកម្មាធិការដែលមានឈ្មោះ មិនមែនដោយអង្គភាពខាងក្រៅដែលទទួលបន្ទុកអាជីវកម្មនោះទេ។ វាក៏មានករណីដែលគ្រឹះមួយត្រូវបានរំលាយ ដោយសារតែការកាន់កាប់អាជីវកម្ម ហើយទ្រព្យសម្បត្តិទាំងអស់ត្រូវបានប្រគល់ជូនរដ្ឋវិញ។
នេះជាចម្ងល់ថា តើ Jom Phalang មានពាក់ព័ន្ធនឹងមូលនិធិឬអត់? តាមច្បាប់ ការសម្រេចចិត្តត្រូវតែធ្វើឡើងដោយសំឡេងភាគច្រើននៃក្រុមប្រឹក្សាភិបាល។ តើសមាជិកគណៈកម្មាធិការទាំងបីរូបនេះជាបេក្ខភាពដែរឬទេ? បើបុគ្គលនេះមិនជាប់ពាក់ព័ន្ធ នោះក៏គ្មានសិទ្ធិអំណាចក្នុងការដឹកនាំ ឬជំរុញការអនុវត្តគម្រោងណាមួយ រួមទាំងការស្ថាបនាផ្លូវ ឬលេណដ្ឋានផងដែរ។
ជាក់ស្ដែង បើមូលនិធិ Jom Phalang បានរំលាយ ហើយទ្រព្យសម្បត្តិទាំងអស់នឹងត្រូវផ្ទេរទៅឲ្យមូលនិធិ Thammanat ដែលបុគ្គលនេះធ្លាប់បានអះអាង ពោលគឺមិនអាចទៅរួចនោះទេ។ ដូច្នេះ លោកជំរុញឲ្យក្រសួងពាក់ព័ន្ធ ស៊ើបអង្កេត និងផ្តល់ការបំភ្លឺ។
ទន្ទឹមនឹងនោះទៀត លោកក៏បានលើកឡើងទៀតថា ហេតុអ្វី Phalang មិនចុះបញ្ជីខ្លួនឯងជានាយកមូលនិធិនោះ? លោកបានសង្កត់ធ្ងន់ថា មិនដឹងថាបុគ្គលរូបនោះធ្វើអ្វីឲ្យប្រាកដទេ។ តែលោកជឿថា វាជាការប៉ុនប៉ងដើម្បីគេចពីការទទួលខុសត្រូវផ្លូវច្បាប់ ស្រដៀងទៅនឹងអ្នកនយោបាយថៃជាច្រើន ដែលតែងតែប្រើអ្នកណាម្នាក់ ហើយតែងតាំងពួកគេឲ្យលាងលុយកខ្វក់ ឬការគេចពន្ធណាមួយជាក់ជាមិនខានឡើយ៕
